Op zaoterdagaovend 25 januari is in Buurtcentrum de Romein de 60e Hoeglöstigheid vaan K.V. de Mammoeters bekind gemaak en geinstaleerd.

Oonder ’t thema Pirate vaan Mestreech-wès kaom Prins Erik 1e oonder ’t maske oet.
In ’t daogelekse leve is heer Erik Vandeboorn, en woent same mèt zien vrouw Daisy Voorjans in ’t prinselijk pelies aon de Flintstraot 9. Same höbbe zie ’n döchterke dat luustert nao de naom Fay, en maak de energieke hoond Semma de femilie compleet.

Um te zörge veur de bammekes is Prins Erik 1e wèrkzaom es conciërge vaan de ODA sjaol aon de Pestoer Habetsstraot in Mestreech. In ziene vrije tied deit heer gere kampere, fietse mèt de bakfiets mèt twie raajer en netuurlek gebruuk make vaan zien seizoenskaart vaan MVV.

De ganse naome van de jäög Prins en Prinses zien Dex Pauly en Mila Roumen. Prins Dex d'n Ierste en Prinses Mila de Ierste hojze alle twie in de Hoazedans. Prins Dex d'n Ierste is gebore op 25 november 2013 en Prinses de Mila d'n Ierste is gebore op 21 september 2014. Dex studeert internationaal aon basissjaol in Lafelt in Belschj, heer zit daor in 't 6e lierjaor oftewel in groep 8 beij meister Fré. Mila studeert aon basissjaol Dynamiek, zie zit in groep 7 beij meister Marcel